16 大危機!伊語喝醉了

「主人．．．起身啦。」

已經好一段日子沒有再用鬧鐘了，我始終不明白伊語是怎麼在沒有鬧鐘的情況下準時起床．．．

我睜大眼，看到的便是伊語。她坐在床邊微笑著，溫柔地看著我．．．

「刷牙洗面先啦，早餐就食得啦。」伊語還是一樣天真無邪的笑容

看著伊語吃早餐，不難發現她今天的心情很好。

我好奇問：「今日好開心咁嘅？」

伊語高興地說：「好期待Apple姐知道左主人傾成生意之後會有幾開心！」

「我諗佢會無咩反應．．．佢年中都傾成幾十單生意．．．」我說，伊語比我還高興

「Apple姐一定會好開心啫！」伊語原來是負能量免疫！

我們如常上班，不過我不時會看著伊語，害怕她又走失了．．．我不能否認我真的很緊張她．．．只是．．．我不會喜歡她的．．．不可以的。

「Apple姐。」我們走進Apple的辦公室

「早晨！點呀？尋日傾成點呀？」Apple問

我把文件交給Apple：「一切順利，完全無改過細節。」

「做得好。」Apple口裡說得冷靜，但從表情上看得出她很高興．．．真意外．．．

Apple續問：「伊語呢？有無學到嘢？」

「有呀！主人教左我好多嘢！」伊語很開心說

「唔錯唔錯，今晚你地有無約人呀？」Apple問

我有點無奈問：「．．．無呀．．．要OT？」

「唔係．．．咩我成日要你OT咩？我係想今晚一齊食飯，我請。」Apple說

我回到坐位工作，果然一如所料，因為這份合約是我簽回來的，所以我需要跟進這次的項目．．．雖然Apple說不用我全權處理，但是文書的工作絕對少不了．．．

然而，我卻沒有怎麼感到煩厭。

「喂！恭喜你喎！」寶妮走過來說

「恭喜我？咩事呀？」我完全不明白

「你傾成左單生意呀嘛！」寶妮說

「哇．．．啱啱先同Apple姐講咋喎．．．妳消息咁靈通嘅？」我說

「因為Apple姐叫我叫大家今晚一齊食飯，佢請客呀！」寶妮說

「原來係咁．．．」我還真怕這種場合．．．

伊語高興得拍掌：「好嘢！第一次咁多人食飯！」

我默默看著伊語的笑容．．．唉．．．月卡為我帶來了伊語，卻偏偏可能只有三十天期限．．．是好事還是壞事？

無驚無險又到了下班時間，我們一行人走到附近的酒家吃火鍋。

「打邊爐係點架？」伊語好奇問

「唔．．．用個爐滾住煲湯，之後放嘢食落去淥熟佢就咁食。」每次要我解釋這些事情，都讓我死了一堆腦細胞．．．

伊語興奮說：「好似好好玩呀！」

「打邊爐唔是玩架．．．」我沒好氣說

「好啦！今晚我請食飯其實係無咩原因嘅，我一向都鍾意間唔中請下大家食飯。．．．不過今晚就順便慶祝下流主傾成第一單生意，「破處」成功。」Apple舉杯說

「恭喜流主！」其他人接著舉杯說

「多謝多謝．．．」我完全不習慣這種場合．．．第一次拿到神裝被團友恭賀時都沒有這麼尷尬．．．

求撚奇舉杯說：「恭喜破處！」

「破處！」大家都舉杯說

「破處！」天真的伊語也十分愉快地舉杯

伊語沒有做出大家期待的尷尬場面，反而是無知地和應．．．大家都愣了一下，然後便立即捧腹大笑起來．．．這是求撚奇的預謀吧！

Apple也參一腳說：「流主破到處都要多謝伊語嘅。」

伊語頓即害羞地說：「邊係呢．．．係主人叻，其實嗰日我都無做啲咩．．．我連郁都唔敢郁．．．全部都係主人嘅功勞．．．」

求撚奇笑說：「哈哈哈．．．唔得啦！我笑到停唔撚到．．．」大家也都笑翻了

「你地真係．．．未飲就醉晒啦！？」我無奈說

「好啦好啦．．．乾杯！」Apple舉杯說

我一直不喜歡這種齊人飯，因為我很怕吵吵鬧鬧，更怕要應酬。但今天我卻意外地快樂．．．間中來個聚會原來也不錯呢。

不過．．．

「主人．．．其實你好得意．．．你知唔知．．．」伊語滿面紅紅的，要我扶著才勉強可以步行

我扶著她說：「妳醉啦．．．又話唔會醉．．．早知妳咁易醉就唔比妳飲．．．」

「咁．．．以前．．．真係唔會醉架嘛．．．」伊語幾乎是抱著我走路

「我都話左唔同架啦．．．求撚奇又係．．．係咁隊妳．．．」我埋怨說

我們好不容易回到住所大廈，盧Sir見狀便對著我們笑而不語．．．而且還不斷跟我打著詭異的眼色．．．然後捱過了一同乘昇降機的師奶的白眼，我總算回到家了。

「．．．好啦，返到啦．．．」一手扶著伊語，一手用鎖匙開門原來滿困難的．．．

我把伊語放在床上蓋好被，便到廚房沖茶，好讓伊語解醉。

我端著茶走到床邊說：「伊語，飲啲茶先啦。」

「唔．．．主人飲先啦．．．」伊語像是說夢話般

「妳飲呀，唔係我飲呀．．．快啲坐起身．．．」我拿開被子

這我才發現伊語怎麼把衣服都脫掉了一半！！

「喂喂喂．．．妳做咩除衫呀！．．．凍凍凍凍病妳呀！」你說我見識少也好，道德撚也好，我立即用被子蓋著她

「好熱呀．．．」伊語罕有地在扭擰

「快啲著返好啲衫啦．．．病左就麻煩啦．．．」我都不知要怎麼辦了．．．

「主人幫我著．．．」伊語竟然說出這種話．．．

「男女授授不親呀．．．」我都不敢看她了

此時她突然把我拉向她，更抱著我的頸項．．．她的身體熱得發燙，看來醉得很厲害．．．雖然我沒有醉．．．但此刻我卻在內心掙扎著．．．理性與欲望再一次交戰．．．她的體溫與氣味，把我緊緊地困住．．．她的每一下呼吸就在我的耳邊挑逗我的作為健康人類男性的本能．．．我快要不行了．．．雖然隔住了我身上的衣服，但我還是能夠清楚地感受到她豐滿的胸部．．．．．．不可以的．．．她不久後可能便會消失．．．不可以沉下去！

我把持著堅毅不屈的意志，立即坐起來：「伊語．．．乖啦，著返衫起身飲茶．．．」

豈料，突然伊語提起手一捏，我的雙手隨即被冰塊凝固了！！

「妳做咩呀！？」我慌張起來了

伊語沒有回答，強把我推到床上，接著竟然就坐在我的身上來！！

「喂！伊語！」我想喝止她，但是她沒有理會我

衣衫不整得如赤裸的她不斷地吻我的面額，這使得我不由自主地有生理反應了！這下不妙啊！！

「伊語！！」我只能作出言語上的掙扎

伊語突然說：「．．．主人．．．我對你唔好咩．．．？」

「吓．．．？」怎麼突然說這個

「主人．．．工作緊嘅時候．．．真係好有型．．．」伊語說著醉話

這．．．是表白嗎？

伊語終於睜開眼睛看著我．．．我才發現她好像哭了．．．

「主人．．．」

她慢慢向我吻過來．．．終於我從自己的嘴唇上感覺到她的呼吸．．．她的體溫．．．我的初吻．．．

．．．．．．

雖然我依然想要掙扎，但是她就打算這樣碰著嘴唇？沒有下一步？舌頭的交流呢？

「．．．呼．．．呼．．．」

．．．伊語竟然這樣睡著了．．．那我怎麼辦？手又動不了，又被她壓住．．．

怎麼會變成這樣．．．再這樣下去不行的．．．我知道我已經喜歡上伊語了．．．是從心裡喜歡著．．．但是我不可以跟她發展的！這對我和她也不會有好結果．．．

15 不要再走失了

「流主，有個重要任務比你，伊語都可以幫手。」Apple說

「重要任務？」嫌麻煩的我和很期待的伊語異口同聲說

「我約左個客晏晝，但係我手頭上有啲緊要嘢要做，真係行唔開。所以今次交比你地。」Apple說

我不願意地說：「見客？我未試過喎．．．」

「咪破處當做善事囉。而且嗰個熟客嚟嘅，阿梅姨呀，你都見過啦，所以唔使驚。」Apple說

真麻煩，見客這些工作那會是我這種嘍囉做的？這超出了我的工作範圍啊．．．

「求撚奇，車我出去見客呀，好偏僻呀．．．」我說

阿健說：「佢出左去啦．．．」

「頂．．．唔怪得知Apple話行唔開．．．」我無奈說

結果我們只有山長水遠攀山涉水港鐵九巴來到目的地．．．還有一段路要步行．．．

「主人．．．好似唔係好開心咁嘅？」伊語看著我說

「咁緊係啦．．．無啦啦整單咁嘅山卡啦嘢比我．．．」我沒趣說

伊語問：「咁唔好咩．．．？Apple姐都係相信主人先會比主人去做咁重要嘅任務。」

「信我咪愈嚟愈多嘢要我做囉．．．」我晦氣說

「咁咪好囉，我喺奢華大地嗰陣，每日都會做好多唔同嘅任務，幫到人地，自己又學到嘢。」伊語微笑說

「我知．．．妳嗰陣啲任務係我做架嘛．．．」我說

「咪係囉，依啲嘢都係主人間接教我嘅！又鍾意幫人，又唔怕麻煩，又鍾意學嘢．．．全部全部都係主人做嘅．．．宜家反而做唔到？」伊語說

「打機點同呀．．．要升level，要衝裝，要學技能賺錢．．．」我辯說

「咁對我嚟講主人打機，就即係我嗰陣時嘅現實呀！所以我好明白，主人宜家一樣要升level，要裝備自己，要學多啲嘢去賺錢。」伊語溫柔地笑著

伊語倒是說得沒錯．．．我在遊戲裡過的其實就是伊語的現實生活，而我在這裡過的就是我的現實生活．．．理論上並無分別．．．可是．．．生活的方式不同吧，我又沒有魔法．．．當然不能做到遊戲裡做到的事。．．．但是這麼說，伊語雖然會魔法，一樣有很多事情是我們才做得到，她一樣要下苦功去學．．．如果人生如遊戲．．．我也是有些技能的吧？數值也不低吧？或許我應該嘗試一下像遊戲般生活。

「妳好，我地係非常幻想場地佈置公司。我地約左趙小姐見面。」我對接待處的小姐說

「啊，你地直接入去佢辦公室就得架啦。」接待小姐指著經理室說

我們敲了數下門，便推門進去。

「你地嚟啦！坐啦坐啦，Apple同我講左架啦。」坐在裡面的中年婦人客氣說

「係呀，因為公司多嘢做，所以我代Apple姐嚟。希望趙小姐唔好介意。」我使用客套模式應對

「叫我梅姨得啦！哇．．．無見一排，講嘢文質彬彬，仲有個咁靚女嘅秘書仔．．．後生可畏！」梅姨笑說

「唔好笑我啦梅姨！我第一次出嚟見客架咋，諗住認真少少呀嘛！佢係我．．．助手伊語。」我拿出文件說

沒想到第一次談生意便成功了，雖然對方是熟人，但還是有點中獎的感覺。總之還好一切順利，伊語也意料之外配合得很好，幾乎一句話都沒有說。原來順利完成一宗生意是這麼有滿足感的！

伊語問：「咁我地宜家返公司？」

「．．．唔啦，天都黑啦，返屋企啦。聽日先拎份約返公司啦。」我說

我們走到巴士站，因為這裡十分偏僻，巴士站就只有我們兩個。不知怎的，伊語一直都偷偷看著我．．．

我被她看得有點不好意思了：「伊語．．．」

「係！」伊語回應得很快，她絕對一直在留意我．．．

「．．．無．．．無嘢啦。」我說

天空都昏暗得變成了深藍色，四周靜得我可以聽到自己有如鹿撞的心跳聲．．．這次是我在偷偷看著伊語．．．繞著金色頭髮的尖尖耳朵，那深紅色的衛衣外套，及膝的布料裙子．．．在伊語的豐姿下就像設計師的作品．．．我真的很想緊緊地抱著她．．．

然後街燈慢慢亮起，伊語很自然地看過來。我們的視線一息間連結在一起．．．我的眼睛不由自主地向著她的胸部，呼吸也開始愈來愈混亂了．．．

「主人．．．」

她的聲音雖然柔弱如絲，但此刻卻鏗鏘得在我心裡翻起巨浪．．．我看著她那塗了酒紅色的嘴唇，我真的很想猛力吻下去．．．這是甚麼魔力在牽引著我．．．

伊語好像也在慢慢靠過來．．．這是我的錯覺嗎？我怎麼開始感到有點熱了．．．我應該繼續纜車上的一吻嗎．．．？

不！

如果我沉淪了．．．最終我只會因為伊語消失而受傷．．．

「啊．．．對唔住．．．」我轉身避開了．．．我這是在幹什麼！

「唔．．．對唔住．．．」伊語也轉身道歉了．．．

這時候巴士終於來了．．．唉．．．我是傻了嗎？就算不吻下去，也不用道甚麼歉．．．這使得氣氛更尷尬了．．．我怎麼會有一種玩弄著伊語感情的罪惡感．．．

「唔．．．伊語，我地去食咩好呀？」我轉身看

咦？伊語呢？？怎麼不見了的！？我剛上車不久，都沒有看到她走在我前面．．．現在她又不在我身後．．．難道她沒有跟上車嗎？？？？

我立即跟車長說：「司機停車！！」

「唔係玩下哇．．．」車長一臉愕然說

「我朋友無上車．．．佢唔係本地人嚟架，佢唔識路架！求下你啦！！！」我很緊張，緊張得想哭

車長沒有說話，只是擺出一個無奈的表情，打著了死火燈，然後把車停在一旁！

「唔該晒司機！！下次飲茶我嘅！」我說完便立即跑下車了

我沿著剛才的行車線不停地跑，此刻的我腦裡一片空白．．．我怎麼會這麼大意的！這裡十分偏僻，如果遇上甚麼的話我要怎麼辦？伊語一個人一定怕死了．．．我這個混蛋做事就不可以認真一點嗎？？

我跑回到上車的巴士站．．．伊語怎麼不在了？？她上了下一班車嗎？不可能！別說巴士，我沿路都沒有看到一輛車！伊語妳在那裡啊！

「伊語呀．．．」我雙眼都滲出淚水了．．．我一邊喘氣一邊四周顧望．．．

「主．．．人．．．．．．」

一把聲音從後傳來，我立即向聲音看過去，伊語就在我身後！！

我忍不住緊緊地擁抱著伊語：「嚇死我啦！！妳做咩唔跟住我呀！」

伊語也抱著我說：「對唔住．．．突然就唔見左主人．．．不過．．．我就知道主人一定會返嚟救我．．．」雖然她面上是掛著笑容，但我還是能看到她的雙眸早已淚盈滿眶．．．

「以後要好好跟住我啦．．．」我也哭了一丁點出來．．．

伊語害怕得身體都發抖．．．一個人在異世界迷失．．．但還是在我面前假裝沒事．．．是我讓妳哭了．．．對不起．．．

可惡．．．我真的要好好檢討反省一下．．．

14 魔法師也工作

今天是伊語第一天上班，雖然我不太清楚Apple為甚麼有這個決定，但沒有關係，伊語喜歡就好。

然後我又再拿出月卡看看．．．伊語真的會消失嗎？還是甚麼都不會發生．．．？

伊語十分緊張：「主人，我有無啲咩要準備．．．？」

「無咩特別要準備嘅．．．返工啫．．．」我喝著伊語剛學會沖的咖啡

「好緊張呀．．．好唔好換返蝗族殺手裝？我啲魔法力量會勁啲．．．」伊語把自己的衣服都拿出來了．．．

「唔駛啦．．．又唔係打副本．．．」我真的很佩服伊語做任何事都這麼認真

因為昨天工作到晚上，所以今天下午才上班。

「我第一次唔駛變細嚟依度咋．．．」伊語依然很緊張

寶妮迎接我們：「Hello！妳就係伊語啦！多多指教！」伊語也很自然向她揮手

我向伊語介紹：「佢係寶妮，Apple個秘書。」

伊語頓時嚇了一嚇：「原來係秘書大人！妳好！」然後向寶妮敬禮

「秘．．．秘書大人！？」寶妮也被嚇著了

「點解係大人呀？」我也不感不解

「秘法術書士官係我地魔法師嘅其中一個職業領袖，我頭先真係失禮．．．」伊語不好意思說

寶妮皺眉對我說「你朋友同你真係好夾．．．」

「．．．嗯。」我都沒氣解釋了

這時，Apple在自己的辦公室探頭說：「你地返嚟啦？入一入嚟我Office啦。」

「Apple姐。」我們走進Apple的辦公室

「伊語，歡迎妳嚟。」Apple微笑說

「．．．係！」伊語還是有點緊張

「我都單刀直入啦，其實請伊語入嚟公司做嘢，純粹係因為流主你。」Apple說

「我？唔．．．唔明．．．」我說，難道Apple知道了甚麼．．．？

「你都係時候交代下真相啦，放心我會守秘密。」Apple說

「咩．．．咩真相？」我裝傻

Apple凝重地說：「伊語究竟係咩人？金髮藍眼尖耳唔講，但係可以縮細，憑空變冰變火．．．好明顯唔係一個普通人。你都係成件事原原本本交代清楚啦。」

「．．．唔係咁重要啫．．．而且都唔關妳事．．．」我說

「我由你細細個睇到你大，我唔想你誤入歧途行差踏錯。我睇得出伊語本性善良，但我一定要知道清楚。我應承得你阿媽要好好睇住你，我就唔可以比你有事。」Apple說

「．．．妳放心啦，伊語唔會傷害我．．．」我說

「咁你就話我知咩事。」Apple說

「．．．．．．伊語唔係人類．．．」我說

「睇得出，你繼續講啦。」Apple說

我把事情一五一十和盤托出，除了月卡期限的事，因為我還不想讓伊語知道．．．

Apple大感驚訝：「竟然會有啲咁嘅事．．．」她續說：「不過都好，我仲以為你比鬼迷．．．咁宜家我放心啦，而且所有嘢都講得通。你屋企知唔知依件事？」

我無奈說：「妳竟然以為佢係鬼．．．．．．佢地有見過伊語，不過我只係話佢係我上網識嘅朋友．．．」

「我唔會同佢地講，不過我希望你會同佢地講。」Apple說

「唔．．．我識處理架啦。」我還要再考慮一下

「仲有，依件事我知好啦，費事公司多是非。」Apple叮囑說

我回到自己的坐位工作，伊語也一直坐在我身邊。

唉．．．我真的不知道要不要讓家人知道伊語的事．．．再過十數天，伊語可能便會消失．．．而且這麼複雜的關係．．．唉．．．如果伊語不會消失．．．唉．．．如果．．．如果如果如果．．．

「主人！」伊語突然挨近說

「哇！做咩嘢！？」嚇死我了

伊語說：「我叫左主人好多聲啦．．．」

「係咩？對唔住．．．我諗緊嘢．．．」我說

「主人可唔可以教我用電腦呀？」伊語問

「啊？當然可以．．．但係做咩突然有興趣學嘅．．．？」我問

「我識左，咪可以幫你手囉！」伊語說

「好係好．．．但係突然間我都唔知點教妳．．．我買書比妳睇可能仲快．．．」我說

「唔．．．咁有無第二啲嘢我可以幫手架？」伊語問

「無喎．．．哼哼，我好做得嘢架！我地高登仔係可以多專多能！所以唔需要幫手！」我說

「高登仔？多專多能？」伊語對不知道的事物都感到十分好奇

「．．．點解釋呢．．．解左多專多能先啦，意思就係我地識好多嘢，騎士嘅技能又識，獵人嘅技能又識，牧師嘅技能都識．．．大概係咁嘅意思．．．」我說

「好叻呀！！原來主人識咁多嘢架！咁高登仔呢？」伊語用充滿期待的眼神看著我

「高登仔係一個稱號，係一種榮耀。當一個人達到任何嘢都覺得唔難嘅時候，就可以得到依個稱號．．．」我說

「主人好叻呀！如果我都有咁叻就好啦。」伊語說

我相信世上只有伊語一個會這麼想．．．尋常女子聽到我剛才所說，都只會笑而不語，繼而消失．．．伊語這樣看得起我，我反而有點慚愧了．．．

當晚我跟伊語到書店買了很多書，既然伊語可以過目不忘，那就更要讓她吸收更多。除了電腦書，我也買了一些手工藝的書，像是織頸巾等等．．．甚麼啊？我只是想她學習更多的事情而已．．．

「放工沖返個涼真係好爽．．．」洗完澡的我說

「主人，飲杯藥草茶先啦，會好瞓啲架。」伊語遞給我一杯茶

「點呀，電腦好唔好玩呀？識唔識用呀？」我問一邊看教學一邊用電腦的伊語

「好玩呀，而且都唔難用！」伊語笑著說

「宜家識整啲咩呀？」我說

伊語笑著解釋：「啱啱學識點樣格式化同重裝Window囉！宜家部機快返好多啦！」

她的說話就像一下致命重擊！我頓時有想吐血的感覺！我搶去Mouse，搜尋自己的珍藏品．．．．．．果然！！！甚麼都沒有了！！接近2T的珍藏呀！！

「．．．係咪我整錯左啲咩．．．？」伊語看到我的樣子，也擔心起來了

「．．．算啦．．．無嘢．．．」看著伊語的樣子我也氣不下去．．．

13 Cosplay大賽

今天就是Cosplay Event的日子，正常來說我是Event完結了才上班的，不過伊語對這個Event很有興趣，所以我們也來了。

「咦？流主伊語？你地嚟做咩呀？」Apple有點驚訝看到我們

「無呀，嚟玩咋嘛。」我說

「宅男出嚟玩？？拍左拖真係唔同晒喎．．．」Apple笑說：「伊語，以後流主就交比妳啦。」

「係！我會好好照顧主人！！」伊語用精靈族的方式敬禮

「唉．．．講極都係咁．．．無氣解釋啦．．．」我說

「唔同你地傾啦，我仲有嘢要做。流主你地載返個員工証啦，方便啲出入。」Apple把員工証交給我們便走了

我們也回到會場閒逛，這裡售賣著很多動漫電玩的週邊產品，當中也有些Cosplay的衣服。

「好靚呀！」伊語總是這麼樂天

「咦，蝗族殺手魔法師套裝！」我指著店舖說

「係喎係喎！」伊語拿起一些衣服來看：「．．．．．．不過質地好差．．．都唔係用蝗蛹絲做嘅．．．」她有點失望

「依度邊有依啲物料．．．」我說

我們繼續閒逛，買了不少飾物，更買了一條紅色的旗袍給伊語，她真的很喜歡紅色呢。

「買啲嘢食咯。」我說

「好呀！嗰個公仔麵無湯咁得意嘅？」伊語說

「啊，嗰個係日式炒麵嚟嘅，我去買啦，妳坐下先啦。」我說著便去買了

伊語今天也很愉快．．．說起來，我何時開始這麼緊張伊語的心情．．．不過跟她相處真的很愉快，她也對我很好．．．又漂亮又可愛，身材更是所向舉靡．．．我一個宅毒男，怎可能不喜歡她．．．但是．．．我始終很在意，她最後可能還是會消失這個問題．．．我們是不會有結果的。我．．．沒有喜歡她，我只是因為她是我創造的，所以才對她好．．．沒錯是這樣。

「多謝主人！」伊語不知何時載上了狐狸耳朵飾物

「咦？做咩載住隻狐狸耳嘅？」我問

「因為我真係好鍾意囉！得唔得意呀？我仲載埋狐狸尾添呀！」伊語摸著狐狸耳朵很滿足地笑著

「好襯妳呀。」我說

伊語的確真的很可愛．．．我該怎麼辦．．．

「主人你食到成嘴係啦．．．」伊語拿出紙巾替我抹著

「．．．我去買嘢飲先。」我立即借買飲料避一避

伊語真的太好了．．．我的內心掙扎非常！伊語再過一段日子便會消失．．．我們沒有結果的．．．還是．．．既然會消失，就算無限中出都不需要負責啊．．．這種機會在我的人生裡絕對只會出現一次！！．．．慢著！怎麼又變成了理性與欲望的掙扎．．．？不可以的．．．你說我見識少也好，道德撚也好．．．我不可以這樣做的！

「返嚟啦．．．得綠茶咋。」我拿著飲料回來，可是卻找不著伊語

咦！？伊語呢？怎麼不見了的？不會被拐走了吧！？伊語會魔法的，怎可能會有人拐得了她．．．難道是韋迪亞？？不！他只會戰鬥，不會捉人的！那．．．她到那裡去了？

此時會場傳來歡呼聲．．．

可能她走到台下看表演吧？．．．不．．．看真一點．．．台上的不就是她嗎？？而且還穿上了我買給她的旗袍．．．配合那狐狸耳朵和尾巴．．．以及她本來就是精靈．．．怎麼看都會以為是Cosplayer啊！她怎麼會走上去的．．．

主持人問伊語：「小姐妳好，妳叫咩名呢？」

「吓．．．我叫伊語．．．」伊語十分害羞，觀眾卻更興奮

「妳扮演嘅係咩角色呢？」主持人問

「我．．．無扮呀．．．」伊語有點手足無措

主持人笑說：「哈哈哈，好投入角色喎！咁妳可唔可以簡單介紹一下自己呢？」

伊語有點不好意思說：「我係嚟自奢華大地嘅精靈族魔法師伊語．．．」

「原來係扮演《奢華online》嘅精靈族！既然係魔法師，有無啲魔法可以表演比我地睇下呢？」主持人說

「唔．．．我可以用火魔法同冰魔法。」伊語說著便舉起右手，手上立即冒出火焰！

在場所有人包括主持人都歡呼拍掌！伊語再舉起左手，隨著動作瞬間形成了一個冰盾！所有人都變得更興高采烈，掌聲如雷貫耳！

「哇哇！果然厲害！多謝伊語！」主持人拍掌說

看著工作人員帶伊語回到後台，我也立即走過去．．．

「伊語！」我跑向伊語

「主人！嚇死我啦！」伊語立即抱著我

我摸著她的頭：「無事啦．．．又會走左上去嘅妳．．．」

「啲工作人員搞錯左．．．」Apple走過來說

「Apple姐。」我打招呼

Apple續說：「不過伊語又金髮尖耳，仲要著到咁．．．唔誤會先出奇。」

「麻煩到妳地對唔住．．．」我道歉說

「唔緊要啦，最後都無出咩問題，而且反應幾好呀。」Apple笑說

最後，伊語竟然嬴得了冠軍．．．這晚雖然我們工作到深夜，但是伊語感到很快樂，也沒有覺得疲累，甚至更幫手工作了。Apple也邀請她以後到公司作為我的助手替公司工作，雖然只當是兼職，但伊語想都沒想便答應了。

「主人，今日我真係好開心呀！」伊語笑著說

「咁．．．咁咪好囉。」我說

「果然，同主人一齊，發生咩事都會好開心！」伊語說

伊語．．．我．．．可以喜歡妳嗎？

12 找上門了

人類的天賦有信念，它永久地使人類的精神力增加百分之五；還有全神貫注，使用後三十秒內儲氣時間縮短百分之三十．．．老實說，兩個技能對狂戰士這個近戰職業都沒有太大幫助。狂戰士攻擊力高、防禦力高、體力高．．．不過出招速度慢而且魔法抵抗力弱．．．雖然我對PVP並不擅長，特別是對上狂戰士這類坦克．．．不過看來如果有一個良好的戰術，要戰勝開外掛的韋迪亞，其實不難。

「你使唔使駛咁撚勤力呀！」吃著飯的求撚奇說

「唉．．．你唔明架啦．．．」我一邊吃飯一邊研究遊戲攻略

伊語說：「主人，食飯先啦，啲嘢凍晒架啦．．．」

「查撚實個柒頭有咩咁好呀？人類唔撚係得佢一個喎家下．．．」求撚奇對伊語說笑

伊語立即認真起來：「主人對我好好架！」

我們其實正在會場工作，準備著明天的Cosplay Event。幸好這次時間充足，音響器材燈光器材等等都已經設置完成。剩下的便只有點算工作人員和表演者的名單，然後再稍為彩排一下便可以放工了。

「主人，點解佢地著啲衫同平時唔同嘅？有啲仲好似我地個世界嘅衫．．．」伊語好奇問

「因為今次嘅表演係扮演遊戲入面嘅角色。我地依個世界好多人都鍾意虛擬人物，甚至有好多人仲想成為佢地添。」我解釋說

「原來我地咁受歡迎架！」伊語指著一個cosplayer說：「．．．咦！？精靈女皇呀！」

我看過去說：「又扮得幾似喎．．．不過聽日仲多嘢睇。」

「好期待呀！」伊語高興得拍掌

這時，一個工作人員跑過來說：「流生！嗰邊有人搞事呀！」

求撚奇說：「咁撚大膽！？」

我們立即跟工作人員跑到事發現場，果然，真的有很多人圍著在起哄，看來是有表演者在爭執，不過應該還沒有打起上來。

「喂！邊撚個搞事！」求撚奇上前大喝。這些衝突事件通常都由他出面解決

我和伊語也跟上前看看，原來生事的是一個扮演蝗族頭領的表演者和一個穿裝甲的表演者。

「蝗族！？」伊語立即戒備起來

「假架假架．．．」我拉著伊語

「你地喺度做咩撚嘢呀？係咪想我報警呀！！」求撚奇大喝

豈料，那個裝甲男子卻說：「哼！收拾蝗族係天經地義嘅事！你又係咩人？點解要阻我？」

我馬上便認出這聲音：「依把聲．．．韋．．．韋迪亞！？」

我和伊語立即上前調停．．．

韋迪亞看到我們便說：「伊語？啱啦，我地聯手對付隻蝗蟲啦！」

我向伊語打眼色說：「呃．．．韋迪亞，個蝗族就交比我啲人處理，我地有第二啲更重要嘅．．．戰略．．．要商量！」

伊語和應說：「係呀！你跟我地嚟啦！」

我叮囑說：「求撚奇，依度交比你，唔好報警呀．．．」

我們好不容易終於把韋迪亞冷靜下來．．．

「哼！有嘢就快啲講，一係就同我決鬥！」韋迪亞不耐煩說

我也不耐煩說：「你唔好成日都打打殺殺得唔得呀．．．你唔煩我都厭啦．．．你一定要搞清楚，依度唔係你以前個世界，依度無敵人架啦．．．頭先嗰個蝗族係假扮架咋．．．」

「哼！我唔知你講緊乜，而且我點解要信你！」韋迪亞說

「你唔覺依度嘅嘢同你以前個世界好唔同嘅咩？」我問

「咁又點？」韋迪亞反問

伊語插話解釋說：「我地係虛構嘅人物嚟架咋，我地本身係唔存在架！我地以前所存在嘅世界只係一個遊戲，我地喺嗰邊只係受依度嘅人類控制．．．你明唔明呀？」可是，從她的說話裡．．．我感到一陣強烈的悲傷．．．

「妳係話我地過往所擁有嘅榮耀，都係因為有依班人操控？？」韋迪亞有點驚訝

「雖然係好難接受．．．但依個係事實！」伊語說

「咁點解我地會嚟左依度？？」韋迪亞問

我說：「依樣就連我都唔知．．．」

韋迪亞想了一想，說「．．．我唔知到底發生咩事，但係作為一個擁有榮耀嘅狂戰士，我地存在就係為左戰鬥！如果你地講嘅都係真話，我就更加要戰鬥！我要將依個世界嘅人類殺晒！！」然後，他用大劍指著我們說：「而你兩個將會成為我嘅第一個獵物！！我向戰神發誓，我要用你地嘅血做挑戰依個世界嘅序幕！！」

伊語沒好氣說：「你．．．唉．．．我唔會同你打．．．你收手啦．．．」

「哼！作為最前線嘅士兵，你一啲尊嚴都無咩？妳無存在嘅意義咩？」韋迪亞語氣强硬說

「我．．．我嘅存在意義．．．」伊語看了我一眼

「哼！精靈始終係懦弱！我宜家就殺左妳！」說罷，韋迪亞立即向伊語衝撞過去

伊語狼狽地閃避攻擊！但韋迪亞並沒有停下來的意思，更立即揮劍追砍！我沒有細想，便使力向韋迪亞撲過去，雖然未能把他撲倒，但也成功阻擾了他的攻勢！

「你做咩嘢咁頑固係要打人嘅啫！」我開始生氣了

「我淨係知我要做嘅就係戰鬥！不斷咁戰鬥！！！」韋迪亞轉身向我斬過來

「唔準傷害主人！！！」伊語向韋迪亞射出火球

韋迪亞反應不及被擊中了！而且看來火球的傷害頗大！

「伊語！變佢做青蛙！！」我說完，伊語便立即施法

果然韋迪亞瞬即又變成一隻青蛙，我把他撿起便立即跑到會場外面的海邊，全力把他拋向大海．．．

我喘著氣說：「呼．．．唔好再返嚟啦大佬．．．」

「主人！有無受傷呀．．．？」伊語扶著我說

這下韋迪亞就算不死，也已經不能回來吧．．．最起碼在他消失前．．．在伊語也消失前．．．

11 宿敵

那天我最終都沒有吻下去．．．我應該冷靜想清楚，我只是因為伊語的外表而喜歡她，因為我認為她不會拒絕而向她表白．．．並不是真心的愛慕．．．而且最重要是．．．她早晚會離開的．．．

然而，意想不到，伊語看來並沒有甚麼不同．．．沒有表現得尷尬，也沒有甚麼奇怪的舉動．．．反而是我自己在婆婆媽媽的．．．看著她在閱讀烹飪書，我不禁疑問她的烹飪技術怎麼會進步得如此神速？

「伊語呀，點解妳煮嘢突然叻左咁多嘅？」我問

「因為主人買烹飪書比我睇囉。」伊語說

「有書睇就煮得叻架啦？」我有點驚訝

伊語有點愕然：「唔係嘅咩？？我不嬲都係睇左就識．．．」

「真係好．．．」這可是跟遊戲裡一樣啊．．．教人羨慕

自從伊語學會了現實世界的烹飪，有時間買菜的話我們都會在家吃飯。而難得今天是週日，我們當然要去買菜了！我們坐言起行，立即出發去街市。

「主人今晚想食咩呀？本書我差唔多睇晒啦。」伊語問

「妳話事啦，我食咩都得。」我說

不過這時，伊語突然戒備著：「．．．好似有啲唔妥．．．依種感覺．．．」

「唔妥？咩事呀？？」我也緊張起來了

「受死啦！」突然，一個穿著銀色裝甲的男人從後用大劍砍向我們！我和伊語嚇得立即向一邊跳開，十分狼狽！

伊語回頭一看，驚訝說道：「你．．．你係韋迪亞！？」

我也萬分驚訝：「韋迪亞！？阿立個人類狂戰士！？」

「同我決一勝負啦！」韋迪亞對伊語發出挑戰！

伊語問：「點解你都嚟左嘅？」

「我都唔知，不過唔係重點！」韋迪亞舉起大劍指著伊語：「同我決一勝負啦！！」

伊語卻無奈說：「喺奢華大地你又係掛住打．．．嚟到依度你都仲係咁．．．我係唔會同你打架！」

這麼說，阿立的確經常要我跟他PVP，但是我不太喜歡PVP，所以一直都拒絕他．．．

「講多無謂！」韋迪亞沒有理會伊語是否接受挑戰便猛地向她衝過去

「咪住！」我上前喝止韋迪亞

「你係邊個？」韋迪亞問

「我．．．我係伊語嘅主人，你主人呢？」我問

「哼！我自己就係主人！」韋迪亞繼續進攻

「咪住！！」我再喝止他

「你又想點？」韋迪亞怒視著我

「呃．．．阿立呢？你點解可以自己行動嘅？」我問

「我唔知道你講嘅人係邊個！我一向都係自己行動，我淨係知道要戰鬥！」韋迪亞又再進攻

「咪住！！！」我再三喝止他

「你去死啦！」韋迪亞突然轉向，一拳把我打飛數米之外！

「主人！！！．．．韋迪亞！我唔會放過你架！！」伊語手中冒出火焰

「哼！戰吧！」韋迪亞向她衝過去

伊語的火球還未成形，韋迪亞已經跑到她的面前，更用劍柄使勁打向伊語腹部，阻礙她詠唱咒語，中斷了她的魔法！此情此景，就完全跟遊戲中的戰鬥一樣！伊語後退數步，便再次使用火焰球！韋迪亞立即向她猛力衝擊，把她撞倒在地上！

「哼！果然係我比妳強！」韋迪亞舉起大劍想了結伊語！

「伊語！變化術！！」我大叫

伊語立即向韋迪亞使出變化術！一道強光像閃光燈般閃了一下，韋迪亞立即變成一隻青蛙了！

「走啦！！」我立即捉住伊語離開現場，四周的途人像看馬戲般歡呼拍掌．．．

伊語喘著氣說：「好彩有主人提我咋．．．」

「妳真係．．．火焰球要成六秒成形．．．妳點會無配合咁用架．．．」我說

「我都唔知．．．我完全反應唔到．．．」伊語說

「妳完成左蝗族抵抗任務嗰喎．．．」我無奈說

「．．．因為係主人控制．．．」伊語扁著嘴巴說．．．

不過，韋迪亞真的很厲害．．．招式有根據而且時機準確，為甚麼呢？難道有人在背後操縱他？但是他說他不認識阿立．．．會不會是性格影響？伊語是天然呆，所以戰鬥反應不夠？但是，性格又是怎樣形成呢．．．？

「竟然真係走左出嚟．．．」阿立在電話裡驚訝說

「既然你無指揮佢．．．咁即係佢本身真係咁勁．．．」我說

「．．．但係你話伊語就同佢完全相反，咩都要你帶住？」阿立問

「係呀．．．估唔到每個遊戲人物都有佢自己嘅性格．．．」我驚嘆

阿立說：「伊語鍾意學嘢、對任何人都好好、有禮貌、鍾意訓覺．．．韋迪亞就淨係鍾意戰鬥．．．」

「咩都唔學淨係鍾意PVP依樣嘢真係似晒你嘅作風．．．」說著說著，我忽然想通了：「咪住．．．唔通．．．伊語嘅性格就係我嘅打機習慣培養出嚟？鍾意做任務、鍾意幫其他人、鍾意學技能．．．」

阿立說：「咁韋迪亞係都要搵你地決鬥係因為我鍾意PVP？但係．．．佢自己都識得戰鬥依樣嘢呢？」

「我知啦．．．因為喺佢嚟依度之前嗰段時間你都係開外掛．．．所以佢宜家都好似開左外掛咁，你唔叫佢佢都識點樣出招攻擊．．．」我說

沒想到會在這種情況下遇上阿立的角色韋迪亞．．．而且他看來好像想殺了伊語．．．伊語的戰鬥力也明顯及不上他．．．如果他再出現，我真的不知道要怎樣保護伊語．．．

「主人，我沖完涼啦。」伊語抱著毛巾僅遮掩著小孩子不可以看的地方便走出來

我頓時感到彷彿中了持續減血的攻擊「．．．妳做咩唔著衫？」

「唔記得拎衫．．．」伊語伸出舌頭傻笑，然後便跑向拿衣服

先說明，我沒有大部份男玩家都有的那種喜歡赤裸著自己的女角色的壞習慣。

10 去海洋公園吧

「伊語，起身啦。」今天很少有地伊語比我更遲起床

「唔．．．」伊語睡得很甜

無論看了多少遍，伊語的睡相都是這麼可愛．．．而且每次都會像個小女孩般流著口水．．．反正她還未醒來．．．不如偷偷親她一下吧．．．輕輕一下．．．就這麼一下．．．

「．．．主人？」伊語突然醒來！我被嚇了一跳

我十分不好意思：「妳妳妳起身啦．．．？」

伊語如夢初醒，見我比她更早起來，便立即慌忙起床：「．．．嚇！宜家幾點啦？要遲到啦！對唔住呀我唔知醒．．．我宜家整早餐．．．」

「唔使趕喎，今日星期六唔使返工呀．．．」我說

「．．．係．．．係喎．．．訓到傻下傻下添．．．」伊語伸出舌頭傻笑

「今日我地去玩咯。」我說

「去邊呀？」伊語問

我想了一下說：「．．．不如．．．海洋公園啦！」

「好呀好呀！海洋公園係玩咩架？」伊語十分興奮說

「唔．．．好多嘢玩，去到咪知囉！」我笑說

「連主人都會笑，咁一定好好玩啦！」伊語說著便立即跑去梳洗了

我．．．平常都沒有笑嗎？

一轉眼，我們便來到海洋公園了。從伊語的眼神，我看得出她很期待。

「好大呀！我地要點玩呀？」伊語萬分期待說

「唔使緊張，我地跟住地圖玩就啱架啦。」我看著地圖說

我計劃了一下，反正還未吃午飯，那就先帶伊語去玩刺激遊戲吧！

「好！依度就係啦！江湖上人稱瘋狂過山車！」我指著過山車說

伊語興奮得雙眼瞪大：「好似好勁呀！玩咩架？」

被她這麼一問，我真的愣住了：「．．．坐喺架車度，之後．．．衝嚟衝去．．．咁囉．．．」我還真的沒想過要怎麼解釋過山車這個機動遊戲．．．不過伊語卻沒有因為我那沒趣的解釋而減低興致。

我們坐上過山車，工作人員幫我們扣好安全帶，過山車便慢慢開去。通常人玩過山車也會十分緊張，有的甚至會緊張得牢牢抓住扶手不放！不過天真的伊語看來倒是氣定神閒．．．可能對她來說，這始終不及打Boss怪刺激吧？

然後，過山車慢慢開到第一個大斜坡的頂端，坐車頭的我都有點緊張了．．．

「哇！個海好靚呀主人！過山車果然．．．」天真的伊語話未說完

這時，過山車急速向下衝刺！我使勁捉住扶手，享受著那強勁的速度感和離心力！不消數分鐘，過山車已經走完全程了．．．老實說，有點不夠爽呢。伊語應該很開心吧？如平常一樣！

「嗚．．．主．．．主人．．．嚇死我啦．．．」伊語淚眼汪汪，耳朵都垂下來了．．．安全帶一鬆開便立即抱著我．．．

「好啦好啦．．．玩完啦，無事啦．．．落車啦．．．」我安撫著伊語，這還真意外呢．．．

我們走到附近休息，我讓伊語坐著便去了買些飲料回來。

「我仲諗你唔會怕添．．．」我說

「頭先嚇死我啦．．．我仲以為會死添呀．．．」伊語還未回復過來

「好啦，玩多樣我地就去食晏啦。」我說

這次我們來到滑浪飛船，是海洋公園的必到之地，必玩之物！

我安撫伊語說：「依個無頭先嗰個咁勁，唔駛驚．．．」

「嗯．．．」伊語還是心有餘悸

我們坐上橡皮艇，幸運地又是坐在前頭。橡皮艇慢慢開出，穿過山坡叢林和峽長幽谷，沿途伊語就像來到異世界般，看著風景看得雙眼閃閃發光，看來心情總算平復了。

「好靚呀！好似探險咁，好好玩．．．」伊語說著

我捉著伊語的手說：「伊語．．．」

「主．．．主人．．．」伊語面紅起來．．．

捉住她的手，她應該不會這樣怕吧？

橡皮艇穿過最後的隧道，沿著急流向下俯衝！水花四濺！雖然刺激度遠不及過山車，但衝撞水面的感覺十分爽快！我看看伊語，這次應該不像剛才般害怕吧？

「嗚．．．濕晒啦．．．」伊語的上身都濕透了

「哈哈哈，係咪好爽呢！」我笑說

「．．．哇．．．主人你都濕晒啦！」伊語立即拿出紙巾幫我抹著

伊語把頭髮繞到耳背，替我抹著額頭．．．她濕透了上身，誘人的身形線條盡現眼前．．．加上滴著水的秀髮和下巴．．．嗚．．．嗚呀！

「呃．．．濕晒添．．．唔．．．嗰邊有得買衫，我地過去買啲新架啦。」我帶著伊語說

我們換了衣服便走到水族館附近吃午餐。

「雖然嚇親，但係好好玩呀！」伊語高興說

「開心就好啦。」我說

「其實．．．做咩無啦啦嚟玩嘅？」伊語問

「唔．．．想多謝妳對我咁好．．．又煮飯比我食，又做家務．．．仲有尋晚有妳喺度，阿媽佢地好開心．．．」我有點不好意思說

「主人．．．你對我都好好呀，我嚟到依到無人無物．．．但係主人你唔問回報，一直都照顧我．．．以前我啲朋友都係有需要一齊去打怪做任務先見．．．完成左任務就唔見晒人．．．得主人先會氹我開心陪我玩．．．多謝你！」伊語反過來道謝

「或者我地依啲習慣衝level嘅玩家真係應該檢討下．．．」我說

「係呢．．．其實主人同阿爸點解會嗌交嘅．．．」伊語問

「咪因為佢當初唔比我去外國進修，仲話我不切實際．．．其實佢尋晚講嘅嘢我明．．．我自己都做左幾年嘢，知道搵錢唔容易，但係．．．我就係耿耿於懷．．．」我嘆道

「其實阿爸都好支持主人．．．我睇到佢每次望住主人嘅眼神，都好似好自責咁．．．當初雖然佢無能力比主人去進修，但係佢地都有諗其他方法去幫主人．．．咁既然主人已經打消左進修嘅念頭，宜家嘅工作又做得好，不如．．．主人同阿爸重修舊好啦．．．」伊語溫柔地微笑著說

「唔．．．」或許伊語說得沒錯，我應該檢討一下自己．．．

由於上午玩得太刺激，下午我們決定輕鬆一點，所以便去了參觀水族館。不過，因為下午遊客愈來愈多．．．連開朗的伊語都感到有點煩躁．．．

「睇唔到啲魚啦．．．點解咁多人嘅？佢地講啲話唔同我地嘅？」伊語皺眉問道

「佢地？因為佢地係蝗族，唔使理佢地．．．」我搭著伊語另一邊的肩膀，保護她免得被撞傷

「原來係蝗族。」伊語的手開始冒出火焰

我嚇得立即阻止：「唔係呀唔係呀！唔好打佢地呀．．．佢地唔同妳講嗰啲蝗族．．．」

「唔同咩．．．？但係一樣咁黑人憎喎．．．」伊語略感不滿，但還是收起了火焰

「算啦算啦．．．放過佢地啦．．．」我汗顏說

為了避開人群，我便帶伊語去坐纜車。對著蝗族，真的甚麼心情都沒有了。

「好靚呀！！」伊語抱著我剛剛買給她的水母玩偶看著海景說

「嗯．．．」而我看著的是伊語．．．

看著她的笑容，我也放鬆下來了．．．我突然在想．．．我其實是喜歡伊語的吧？倒不如趁現在跟她表白吧．．．她應該不會拒絕的．．．

此時纜車經過接駁處搖晃了一下，伊語嚇得馬上走過來坐在我旁邊．．．

「無事喎．．．纜車唔會無啦啦向下衝嘅．．．會就大鑊啦。」我說

「唔．．．不過都係坐喺主人身邊有安全感啲．．．」伊語倚著我說

「．．．伊語．．．」我看著伊語

「係．．．」伊語也看著我

伊語真的很漂亮．．．又溫柔體貼，而且十分善良．．．我輕輕捉著伊語的手．．．我們愈靠愈近，心跳也愈來愈快．．．我們之間好像有一股引力把我們慢慢拉近．．．．．．

明明我是現實世界的人類，而她卻是虛擬世界的精靈．．．相隔著這個不可能量度的距離，都能夠讓我們相遇，這絕對是緣份！此刻我跟她已經接近得能夠感受到她變得急促的呼吸．．．她也很緊張吧．．．伊語啊．．．我的伊語．．．

此時，我腦海裡突然閃過了月卡的事．．．

我怎麼突然想起這個了？對啊．．．伊語還有二十日左右便可能會回到她自己的世界．．．我們．．．不會有結果的．．．這樣下去．．．大家最終都會受傷的．．．